|
| |
قال : (( يا أَدَب
كنت فاكرك قُبّه أتاريك قَتَبْ ))!
يا عالم يا نفساني يا اللي غاوي التحليل
اتفيلسوف لي
بس مش بالسفلي
لَنْخُش فى الخاش و في السنسفيل
و يا علم النفس
أنا حاقْفُز قَفْز
كان يا ما كان تلات عميان يتحسسوا على فيل
كان يا ما كان تلات عميان
تلات فُقَهَا من العميان
واللي جت إيده في الناب قال طور
و اللي جت إيده فى القدم قال طود
و اللي جت إيده في الزلومه قال تعبان
يا أيها العالِم الألعُبان
يا مِفَتَّح يا لابس نظاره قُلت ايه ؟
: قُلت لو لابسها يعني شاريها
كان بقى لها شبيه و شبيهه
دي نظاره أنا مولود بيها
زي انت ما اتولدت بالنبوت
: وقُلت إيه كمان يا بابا ؟
: قُلت ذبذبات الذبابه
اللي في جسمك من عقدة العنكبوت
: و قُلت إيه ؟
قُلت في صوتك خنافه
ما هيش من الأنافه
و أظنّ إنك من زمان مكبوت
: رَجَّعْتنا للسنسفيل و الخاش
: أنا باتوخّى الحق
: ما تتوخاش
أنا يمكن عوج لكن نبوتي مغري
و انت قفاك دُغري
و اللي مكبوت زيي مايتوصاش
**
خُد نبوتي اللي اتفلَّق
في راسك نَبّتُه
تطلع نظاره تفرَّق
قَتَب الأدب من قَبّته
|
|
| |
قرار لنظم المعلومات; © 2007-2008
|
|
|