| |
... إوْلِد بِيِضْ
من غير طَرْق
من غير طَلْق
و قوُل العمل الفني : خَلْق
كفايه بتعرف ايه الفرق
و تعرف إن الممكن جايز
المعنى حيجي لك جاهز
و الصوره من غير تحميِض
إوْلِد بِيِضْ
من غير طَرْق
من غير طَلْق
و قوُل العمل الفني : خَلْق
و تفرد إيدك زي البرق
و ترجع تسحبها بحنّيه
و تعمل جنّي ولد جنّيه
امّا تريِّل بحر يفيض
إوْلِد بِيِضْ
من غير طَرْق
من غير طَلْق
و قوُل العمل الفني : خَلْق
و قول جَرَّب يا صباعي الحرق
و قول مفروض الشاعر يتْعَس
و قول يا خيالي كل ما تدهس
في الواقع تاخد تعويض
إوْلِد بِيِضْ
من غير طَرْق
من غير طَلْق
و قوُل العمل الفني : خَلْق
و تشهد دايماً ويّا الحق
ما الحق في سوق الايام دي
هو الماشي تقرّب يمّي
تِفَتَّح و عليَّ التغميض
إولد بِيِضْ
|
|