|
| |
انا حرة و اموت فى الحريه
و مزاجى اعمل سحليه
ارقع فى الشمس الزغروطه
و اخد حَمَّام من غير فوطه
انا حره براسي و بديلى
حره بنهاري و بليلى
حره بمناخيرى القطقوطه
انا حره بخشمى مش خاشمك
و ما احطش برقع و لا يشمك
و لا احط قزاز
و لا أقفل شيش
عقلى يا هزاز
كلك نغاشيش
و انا حره و اعيش ...
انا حرة و اموت فى الحريه
و مزاجى اعمل سحليه
انا ابقى سحليه وسيمه
و يجينى بُرص بتاع سيما
و بتاع مزيكا و ترا لم لم
و اتّاوى فى حضنه و انا بحلم
و يقول لى ابتسمى يا بسيمه
و افرحى بالميه و الخضره
ما تحطيش احمر ولا بُدره
و لا احط قزاز
و لا أقفل شيش
عقلى يا هزاز
كلك نغاشيش
و انا حره و اعيش ...
انا حرة و اموت فى الحريه
و مزاجى اعمل سحليه
سحليه و حبايبى سحالى
انا حره بحالى و محتالى
حره اصحصح و لاّ اسخسخ
و لاّ اغنى و قلبى يشخشخ
ابواب الدنيا فاتحه لى
ما اقعدشى فى الاوده لوحدى
و ما احطش ايدى على خدى
و لا احط قزاز
و لا أقفل شيش
عقلى يا هزاز
كلك نغاشيش
و انا حره اعيش
انا عاوزه اعيش
انا بدى اعيش
انا نفسي اعيش
على كيف كيفك
|
|
| |
قرار لنظم المعلومات; © 2007-2008
|
|
|